Yragyň wezipesi tamamlanyp barýan daşary işler ministri Hosniýar Zebari ýurduň häkimiýetden gitmeli premýer-ministri Nuri al-Malikiniň hökümetine gatnaşmagy soňa goýan kürt ministrleriniň administrasiýa gaýtadan goşulandygyny aýdýar.
“Reuters” habar gullugynyň Hosniýar Zebara salgylanyp berýän maglumatyna görä, 20-nji awgustda kürt ministri: “Men daşary işler ministri hökmünde Bagdada geldim” diýýär.
15-nji awgustda Maliki öz wezipesinden çekilýändigini we “ýurduň ýokary bähbitlerini goramak üçin” premýer-ministr Haýdar al-Abadini goldajakdygyny mälim edipdir.
Şeýle-de, Zebari “Yslam döwletine” garşy göreşmekde Bagdady goldamaklary üçin dünýäniň ähli ýurtlaryna çagyryş etdi. Ol gürrüňi gidýän söweşiji toparyň diňe Yragyň etniki azlygyna däl, eýse tutuş dünýä howp abandyrýandygyny belledi.