Çeşmeler: Taýsyz Agamyrat Ýagmyr
Türkmen halkynyň halypa bagşylarynyň biri Agamyrat Ýagmyr 1931-nji ýylda dünýä inip, 1984-nji ýylda hem aradan çykdy. Ondan bäri 30 ýyl geçdi. 30 ýyl az wagt däl, ol bir ýigidiň ömri. Şol döwür içinde ne onuň ornuny tutan boldy, ne-de aýdan aýdymlaryny Agamyrat derejesinde gaýtalap aýdyp bilen tapyldy. Ol gaýtalanmady. Şonuň üçinem şol beýikligine galdy. Medeniýetiň bu sany şol bagşynyň hatyrasyna bagyşlanýar.