Marokkodaky partlamada azyndan 16 adam öldi

Marokkonyň resmileriniň aýtmagyna görä, penşenbe güni Marrakeş şäherinde bolan partlamada “Al-Kaýda” terror toparynyň wekilleriniň hem eli bar.

Şol partlamada ölenleriň sanynyň 16-a ýetendigi we ýaralananlaryň 20-ä barandygy habar berilýär.

Heläkçilige uçranlaryň azyndan 11-niň daşary ýurduň raýatlarydygy aýdylýar.

Marokkonyň hökümeti, BMG we ABŞ bu partlamany “terror hüjümi” diýip atlandyrdylar we ony ýazgardylar.