BMG Eýrandaky tussag edişliklere alada bildirdi

Birleşen Milletler Guramasynyň adam hukuklary boýunça baş komissary Nawi Pillaý, Eýranda syýasy aktiwistleriň tussag edilmegi bilen bagly wakalaryň sanynyň artýandygyna alada bildirdi. Bu barada Nawi Pillaý tarapyndan ýörite ýaýradylan beýanatda, ýurduň howpsuzlyk güýçleriniň hem-de hökümeti goldaýan ýaragly toparlaryň hereketleri üçin, häkimiýetleriň jogapkärçilik çekýändigi nygtalýar.