Paşmadyk uçar hüjüminiň jogapkärçiligini Al-Kaýda üstüne alýar

Birleşen Ştatlaryň gözegçi guramalary Al-Kaýda toparynyň internete ýerleşdiren beýanatynda Kristmas gününde amerikan uçarynda edilen partlama synanyşygynyň jogapkärçiligini öz üstüne alýandygyny aýdýarlar.

Ol beýanatda bu hüjümiň Birleşen Ştatlaryň Ýemendäki anti-terror hüjümine jogapdygy aýdylýar.

Şu aýyň başlarynda Birleşen Ştatlar tarapyndan goldanýan Ýemeniň güýçleri Al-Kaýda jeňçilerine garşy iki sany howa zarbasyny urupdylar.