Sepleriň elýeterliligi

Soňky habar

Gyrgyz parlamentinde koalisiýa düzmek barada ylalaşyldy


Şu gün Gyrgyzystanyň parlamentinde üç partiýadan ybarat hökümet koalisiýasyny düzmek boýunça ylalaşyga gelindi.

Gyrgyz parlamentiniň häzirki spikeri Tashpolot Baltabaýewiň aýtmagyna görä, Sosial-Demokrat, Respublika we Ata Meken partiýalary koalisiýany düzmek boýunça degişli ylalaşyga eýýäm gol goýupdyrlar.

Gyrgyzystanda 10-njy oktýabrda geçirlen saýlawlaryň netijelerinde parlamentiň düzümine bäş partiýa girmegi başarypdy. Emma şol partiýalaryň hiç biri sesleriň ýeterlik köpçüligini gazanyp bilmändi.

Täze hökümetiň premýer-ministri wezipesine Sosial-Demokratlar partiýasynyň ýolbaşçysy Almazbek Atambaýew, premýer-ministriň orunbasary wezipesine Respublika partiýasynyň ýolbaşçysy Ömürbek Babanow, şeýle-de parlametniň spikeri wezipesine Ata Meken partiýasynyň başlygy Ömürbek Tekebaýew hödür edildi.

Iň soňky teswirler

Iň soňky teswirler
XS
SM
MD
LG