ABŞ Aziýa-Ýuwaş okeany regionynda roluny artdyrar

Birleşen Ştatlar özüniň döwlet çykdajylaryny azaltmak çärelerine garamazdan, Aziýa-Ýuwaş okeany regionynda özüniň roluny artdyrar. Bu barada prezident Barak Obama Awstraliýanyň paýtagty Kanberra edýän saparynyň ikinji we soňky gününiň dowamynda aýtdy.

Çarşenbe güni Amerikanyň 2,500 harbysynyň Awstraliýanyň demirgazygynda ýerleşdirilmegi boýunça ylalaşyga gelnendigi mälim edilipdi.

Hytaý Amerikanyň bu ädimine şübheli garady. Köpleriň pikiriçe, bu Pekiniň barha artýan täsirine garşy ädilen ädim bolupdyr.

Obama Indoneziýanyň Bali şäherinde geçirilýän regional konferensiýa gatnaşmak üçin Awstraliýadan gaýtdy.