Fransiýanyň ozalky prezidenti Şirak günäli tapyldy

Fransiýanyň ozalky prezidenti Žak Şirak korrupsiýada aýyplanyp, şertli ýagdaýda iki ýyl türme tussaglygyna höküm edildi. Şirak 1995-2007-nji ýyllar aralygynda Fransiýanyň prezidenti boldy.

Şirak Parižiň häkimi bolan döwründe döwlet pullaryndan bikanun peýdalanmakda we wezipe ygtyýarlyklarynyň çäginden çykmakda günäli tapyldy. Ol 1977-1995-nji ýyllar aralygynda, ýagny 18 ýyllap Parižiň häkimi bolupdy.

Bu waka Ikinji jahan urşundan bäri Fransiýanyň prezidentine suduň çykaran ilkinji hökümidir.

79 ýaşly Şiragyň özi, saglyk ýagdaýy sebäpli, höküm yglan edilende suduň zalynda ýokdy.