Şenbe güni Yragyň Basra şäherinde, Türkiýäniň konsullygynyň öňünde 200 töweregi protestçi Türkiýäniň hökümetini Yragyň içerki işlerine goşulmazlyga çagyryp, demonstrasiýa geçirdi.
Protestçilerin eden talaplarynyň arasynda Yragyň bosgunlykdaky wise-prezidenti Tarik al-Haşiminiň Türkiýeden Yraga ekstradisiýa edilmegi baradaky talap hem boldy.
Tarik al-Haşimi özüniň ýörite adam öldürmek bilen meşgullanýan ýaragly topary saklandygy barada Yragyň hökümetiniň bildirýän aýyplamalaryny ret edýär. Türkiýäniň häkimiýetleri Tarik al-Haşiminiň Yraga ekstradisiýa edilmejekdigini mälim etdi.
Ýakynda Türkiýäniň premýer-ministri Rejep Taýýyp Erdogan Yragyň premýer-ministri Nuri al-Mälikini ýurduň sünni, şaýy we kürt toparlarynyň arasyndaky dartgynlylygy artdyrmakda aýyplap çykyş etdi.
Protestçilerin eden talaplarynyň arasynda Yragyň bosgunlykdaky wise-prezidenti Tarik al-Haşiminiň Türkiýeden Yraga ekstradisiýa edilmegi baradaky talap hem boldy.
Tarik al-Haşimi özüniň ýörite adam öldürmek bilen meşgullanýan ýaragly topary saklandygy barada Yragyň hökümetiniň bildirýän aýyplamalaryny ret edýär. Türkiýäniň häkimiýetleri Tarik al-Haşiminiň Yraga ekstradisiýa edilmejekdigini mälim etdi.
Ýakynda Türkiýäniň premýer-ministri Rejep Taýýyp Erdogan Yragyň premýer-ministri Nuri al-Mälikini ýurduň sünni, şaýy we kürt toparlarynyň arasyndaky dartgynlylygy artdyrmakda aýyplap çykyş etdi.