Täjik oppozisiýasynyň wekili Dubaýda tussag edildi

Orsýetiň adam hukuklary boýunça aktiwisti Nikolaý Nikolaýewiň aýtmagyna görä, ýakynda Täjigistanyň esasy oppozisiýa liderleriniň biriniň tussag edilmegi “syýasy matlap” bilen edilen iş bolupdyr.

Nikolaýewiň Azatlyk Radiosyna beren maglumatyna görä, telekeçi we täjik hökümetiniň tankytçysy Umarali Kuwadow, täjik tarapynyň haýyşy esasynda, 23-nji dekabrda Dubaýda tussag edilipdir. Bu barada penşenbe güni habar ýaýrapdy.

Kuwadow galp ýollary arkaly 1.2 million dollary ele geçirmekde aýyplanýar.

Şu ýylyň başynda Kuwadow “Topar 24” atly oppozision hereketi esaslandyryp, prezident Emomali Rahmona nobatdaky prezidentlik möhletine dalaş etmezlige çagyrdy.