Rim Papasy Fransis we Benedikt XVI duşuşar

Katolik ybadathanasynyň taryhynda ilkinji gezek köne Rim Papasy täze saýlanan pantifik bilen ýüzbe-ýüz duşuşyp, gepleşik geçirer. Ýakynda saýlanan Rim Papasy Fransis mundan öň bu orunda bolan Benedikt XVI bilen Rimiň golaýyndaky Castel Gandolfoda duşuşar.

Watikanyň berýän maglumatyna görä, 76 ýaşly argentinaly täze Papanyň we 85 ýaşly germaniýaly ozalky pantifigiň özara gepleşiginiň mazmuny köpçülige ýetirilmez.

Benedikt XVI soňky 600 ýylyň içinde wezipe ygtyýarlyklaryny meýletin tabşyran ilkinji Rim Papasy boldy.