Sepleriň elýeterliligi

Soňky habar

Pakistan: Ses sanawy dowam edýär


Pakistanda şenbe güni geçirilen parlament saýlawlarynyň yzy bilen, heniz ses sanawlary tamamlanmanka, ýurduň ozalky premýer-ministri Nawaz Şarif öz aram sagçy partiýasynyň ýeňiş gazanandygyny yglan etdi.

Ses sanawlarynyň deslapky netijeleri Nawaz Şarifiň “Pakistan Musulman Ligasy-Nawaz” partiýasynyň hem-de kriket boýunça ozalky sport ýyldyzy Imran Khanyň “Tehreki Insaf” partiýasynyň saýlawçylaryň uly goldawyny gazanandygyny görkezýär.

Pakistanyň saýlawlar boýunça resmileri şenbe günki parlament saýlawlaryna ses bermäge hukukly 86 milliona golaý ses berijilerden 60 prosente golaýynyň ses bermäge gatnaşandyklaryny aýdýar. 2008-nji ýyldaky saýlawlara ses berijileriň bary-ýogy 44 prosenti gatnaşypdy.

Pakistanyň ozalky premýer-ministri Nawaz Şarifiň öz “Musulman Ligasy” partiýasynyň saýlawlarda ýeňiş gazanandygyny öňe sürýändigine garamazdan, deslapky netijeler onuň partiýasynyň gazanan sesleriniň parlamentde dolandyryjy partiýa bolmaga mümkinçilik bermeýändigini görkezýär.

Bu bolsa, Nawaz Şarifiň partiýasynyň parlamentde haýsydyr bir beýleki partiýa ýa-da partiýalar bilen bilelikde dolandyryjy koalisiýa döretmeli boljakdygyny aňladýar.

Nawaz Şarifiň täze hökümeti düzmekligi başaran halatynda, bu onuň üçülenji gezek Pakistanyň premýer-ministri wezipesine eýe bolandygyny aňladar.
XS
SM
MD
LG