Sepleriň elýeterliligi

Soňky habar
Göni efirde

Ablýazow Fransiýada tussag edildi


Gaçgak gazak bank işgäri Muhtar Ablýazowyň aklawçysy müşderisiniň Fransiýanyň günortasynda tussag edilendigini aýtdy.

Aklawçy çarşenbe güni Azatlyk Radiosyna beren maglumatynda, Ablýazowyň Mouans-Sartoux şäherindäki öýünden "berk ýaragly" ýörite fransuz güýçleri tarapyndan türmä äkidilendigini belledi.

Ablýazowyň aklawçysy, müşderisiniň ekstradisiýa edilmeginiň soralandygyny aýdyp, ýöne bu haýyşyň Orsýetiň, Ukrainanyň ýa-da gönüden-göni Gazagystanyň resmileri tarapyndan soralandygy barada takyk maglumatyň ýokdygyny nygtady.

Baý bankir we Gazagystanyň täsirli oppozisiýa wekili Ablýazow 2009-njy ýylda ýurdy terk edipdi we 2011-nji ýylda Britaniýadan syýasy gaçybatalga alypdy. Ol Gazagystanda maliýe serişdelerini ogurlamakda aýyplanýar.

Ablýazowyň aýaly we alty ýaşly gyzy maý aýynda Italiýadan Gazagystana ekstradisiýa edilipdi.

Iň soňky teswirler

Iň soňky teswirler
XS
SM
MD
LG