Sepleriň elýeterliligi

Soňky habar
Göni efirde

ABŞ jeňçi liderleri nyşana alýar


Birleşen Ştatlaryň ýörite güýçleriniň Afrikada yslamçy jeňçi liderleriň garşysyna iki sany reýd geçirendigi aýdylýar.

Liwiýada Pentagon ABŞ güýçleriniň Anas al-Libi lakamy bilen tanalýan Nazih Abdul-Hamed al-Rukaýy tutandyklaryny aýtdy.

Ol ABŞ tarapyndan 1998-nji ýylda Keniýada we Tanzaniýada amerikan ilçihanalarynda amala aşyrylan we 224 adamyň ölümine getiren partlamalar sebäpli gözlenýärdi.

Al-Libiniň garyndaşlary onuň şenbe güni Tripolide öz öýüniň daş işiginde tutulandygyny aýtdylar.

ABŞ güýçleri Somalide Al-Şahab jeňçi toparynyň liderini tutmak üçin reýd geçirdiler. Emma bu iş şowly bolmady.

Somalidäki resmiler halkara harby güýçleriniň şenbe güni daňdan Barawe şäherine zarba urandyklaryny aýtdylar.

Bu hereket Al-Şahab jeňçileri Naýrobiniň Westigeýt molunda azyndan 67 adamy öldürenlerinden soň edilýär.

Iň soňky teswirler

Iň soňky teswirler
XS
SM
MD
LG