Keramatly Newskiý kilisesi

Paýtagtyň "Älem" kinotetarynyň golaýyndaky (10-njy harby gorodogyň ýanynda) keramatly Aleksandr Newskiý ybadathanasy Aşgabadyň iň köne binalarynyň biri. Onuň gurulan senesi barada takyk maglumatlar ýok. Emma 19-njy asyryň 80-nji ýyllarynyň başynda gurulandygy baradaky tassyklanmadyk maglumatlar bar. Bu ybadathananyň ilkinji suraty 1896-njy ýyl bilen senelenilýär. Ilkibaşda bu ybadathanada onuň golaýynda ýerleşen rus goşunlarynyň galasyndaky harbylary ybadat edýän ekenler. 1917-nji ýylyň rewolýusiýasyndan soň ybadathana ýapylyp onda harby skladlar ýerleşdirilipdir. Bu ybadathana 1948-nji ýylyň ýertitremesinde bitin galan azsanly paýtagtyň binalarynyň biri. 1989-njy ýyla çenli bu ybadathana hereket etmeýärdi. Şol ýyldan bu ybadathanada ybadat edilip başlanypdyr. Bu ybadathana taryhy ýadygärlik hökmünde döwlet tarapyndan goralýar. Tbadathana 350 adama ybadat etmäge niýetlenen.