Pakistanyň premýer-ministri janyndan geçen bombaçynyň mekdepde özüni partlatmagynyň öňüni almaga synanyşanda wepat bolan ýetginjegiň ýokary graždan sylagy bilen sylaglanmalydygyny aýtdy.
Nawaz Şarif anna güni çykyş edip, Aitzaz Hassan “Sitara-i-Şujaat” gahrymanlyk ordeni bilen sylaglanmaly diýdi.
Aitzaz Hassan, aýdylmagyna görä, duşenbe güni öz okaýan mekdebine hüjüm etmekçi bolan bombaçyny saklamaga synandy. Bu waka 6-njy ýanwarda demirgazyk-günbatardaky Haýber Paktunkwa welaýatynda boldy.
Hüjüm we hüjümçi
Hassan hassahanada, janyndan geçen bombaçy Nangu etrabyndaky mekdebiň derwezesiniň agzynda özüni ýaranda alan ýaralaryndan heläk boldy. Sünni ekstremist topary bolan “Laşker-e-Jhangwi” şaýy musulmanlarynyň köplük bolup ýaşaýan ýerini nyşana alan hüjümiň jogapkärçiligini öz üstüne aldy.
“Laşker-e-Jhangwi” Pakistanyň şaýy azlyklaryny yslam dininden çykanlar diýip atlandyrýar we olaryň öldürilmelidigini aýdýar.
Haýber Paktunkwa welaýatynyň polisiýasynyň ýolbaşçysy Nasir Han Durrani Hassanyň “öz batyrlygy we gaýduwsyzlygy bilen ýüzlerçe okuwçynyň janyny halas edendigini” aýtdy.
Pakistanyň habar serişdeleri Hassanyň mekdebe giç barandygy sebäpli hüjümçiniň mekdebiň binasyna golaýlan wagtynda hüjümiň öňüni almak mümkinçiligine eýe bolandygyny habar berdiler.
Partlamanyň bolan wagtynda mekdepde ýüzlerçe okuwçynyň bolandygy aýdylýar. Pakistanyň habar serişdelerine görä, bu wakanyň ýurtda janyndan geçen hüjümçi tarapyndan mekdeplere gönükdirilen ilkinji hüjüm bolandygy aýdylýar. Pakistanda soňky on ýylyň dowamynda yslamçy söweşijileriň jogapkäçiligini öz üstüne alan hüjümlerinden müňlerçe adam heläk boldy.
Hassanyň maşgalasy
Hassanyň kakasy Mujahid Ali Bangaş, ýerli metbugata görä, öz oglunyň eden işine buýsanýandygyny, sebäbi onuň öz janyny ýurt üçin bagyşlandygyny aýdypdyr.
Hassanyň kakasy hüjümiň bolan wagtynda Birleşen Arap Emirliklerinde işleýän eken.
Aitzazyň uly dogany Mujtaba Hassan AÝ/AR-ny bilen söhbetdeşliginde Hassanyň ölüminiň ejesini gaýgy-gama batyrandygyny, emma başga ejeleri gaýgydan halas edendigini aýtdy:
"Biz öz inimiziň eden eşine buýsanýarys. Biziň öýümizde ýas tutulýar, emma köçä çykanymyzda adamlar bize alkyş aýdýarlar”.
Pakistanly okuwçy gyz Malala Ýusufzaý 2012-nji ýylda “Talyban” hereketiniň agzalary tarapynda janyna kast etmek synanyşygyna sezewar bolansoň, Pakistanyň raýat sylagy bilen sylaglanypdy.
Nawaz Şarif anna güni çykyş edip, Aitzaz Hassan “Sitara-i-Şujaat” gahrymanlyk ordeni bilen sylaglanmaly diýdi.
Aitzaz Hassan, aýdylmagyna görä, duşenbe güni öz okaýan mekdebine hüjüm etmekçi bolan bombaçyny saklamaga synandy. Bu waka 6-njy ýanwarda demirgazyk-günbatardaky Haýber Paktunkwa welaýatynda boldy.
Hüjüm we hüjümçi
Hassan hassahanada, janyndan geçen bombaçy Nangu etrabyndaky mekdebiň derwezesiniň agzynda özüni ýaranda alan ýaralaryndan heläk boldy. Sünni ekstremist topary bolan “Laşker-e-Jhangwi” şaýy musulmanlarynyň köplük bolup ýaşaýan ýerini nyşana alan hüjümiň jogapkärçiligini öz üstüne aldy.
“Laşker-e-Jhangwi” Pakistanyň şaýy azlyklaryny yslam dininden çykanlar diýip atlandyrýar we olaryň öldürilmelidigini aýdýar.
Haýber Paktunkwa welaýatynyň polisiýasynyň ýolbaşçysy Nasir Han Durrani Hassanyň “öz batyrlygy we gaýduwsyzlygy bilen ýüzlerçe okuwçynyň janyny halas edendigini” aýtdy.
Pakistanyň habar serişdeleri Hassanyň mekdebe giç barandygy sebäpli hüjümçiniň mekdebiň binasyna golaýlan wagtynda hüjümiň öňüni almak mümkinçiligine eýe bolandygyny habar berdiler.
Partlamanyň bolan wagtynda mekdepde ýüzlerçe okuwçynyň bolandygy aýdylýar. Pakistanyň habar serişdelerine görä, bu wakanyň ýurtda janyndan geçen hüjümçi tarapyndan mekdeplere gönükdirilen ilkinji hüjüm bolandygy aýdylýar. Pakistanda soňky on ýylyň dowamynda yslamçy söweşijileriň jogapkäçiligini öz üstüne alan hüjümlerinden müňlerçe adam heläk boldy.
Hassanyň maşgalasy
Hassanyň kakasy Mujahid Ali Bangaş, ýerli metbugata görä, öz oglunyň eden işine buýsanýandygyny, sebäbi onuň öz janyny ýurt üçin bagyşlandygyny aýdypdyr.
Hassanyň kakasy hüjümiň bolan wagtynda Birleşen Arap Emirliklerinde işleýän eken.
Aitzazyň uly dogany Mujtaba Hassan AÝ/AR-ny bilen söhbetdeşliginde Hassanyň ölüminiň ejesini gaýgy-gama batyrandygyny, emma başga ejeleri gaýgydan halas edendigini aýtdy:
"Biz öz inimiziň eden eşine buýsanýarys. Biziň öýümizde ýas tutulýar, emma köçä çykanymyzda adamlar bize alkyş aýdýarlar”.
Pakistanly okuwçy gyz Malala Ýusufzaý 2012-nji ýylda “Talyban” hereketiniň agzalary tarapynda janyna kast etmek synanyşygyna sezewar bolansoň, Pakistanyň raýat sylagy bilen sylaglanypdy.
Tejende wifi gowy işlenok köseýär!.
Bir tarapdan siziň maglumatlaryňyz kimdir birine peýda getirýär, emma beýleki bir tarapdan bolsa zyýan getirýär. Ynha, siziň habarçylaryňyz aldygyna maglumat baryny ugratdylar mekdeplerde okuwçylardan pul ýygnanýanlygy barada. Indi biz mugallymlar okuwçylardan ýygnan 50, 80 manat aralygyndaky pullary yzyna gaýtaryp berdik. Netijede bolsa, öz hasabymyza 4000-5000 manat jübimizden çykaryp, mekdebi remont etmeli bolduk. Eger gaýratyňyz bolsa, bizede ýardam ediň. Biziň tutuş bir aýlyk hakymyzy çagalarymyzyň agzyndan kesip bermäge ýagdaýymyz ýok. Goý, Gorono diýdi, bilim ministrligi diýdi, olar öz hasaplaryna remont etsinler mekdepleri. Ýa-da siziň habarçylaryňyz peşeden pil ýasap, bize zyýan getirmesinler. Bir maşgaladan tutuş ýylyň dowamynda 80 manat bilim alýan ojagyna pul çykarmak ullakan bir çökder zat däl ahbeti. Olaryň käbirleriniň kakasy günde 30-40 manady araga-çilime-de oklap dur. Ýardamyňyzy bize-de ýetiriň. Gaýrat ediň.