Wenada Ýewropada Howpsuzlyk we Hyzmatdaşlyk guramasynyň Parlament assambleýasynyň gyşky sessiýasynda postsowet döwletleriniň ençemesinde adam hukuklarynyň ýagdaýyna syn edildi.
Türkmenistanda geçen ýylyň dekabr aýynda bolan parlament saýlawlaryna ÝHHG-niň Parlament assambleýasynyň resmi toparynyň eden gözegçiliginiň netijeleri barada hasabat berildi. “Saýlawlara umuman demokratik prosese tarap ädilen ädim hökmünde baha berildi, şol bir wagtyň özünde-de Türkmenistanda söz, media azatlygy, ýygnanyşmak hukugy we din azatlygy ýaly meselelerde edilmeli işleriň gaty köpdügi hem aýdyldy. Umuman dialogyň başlanmagynyň möhümdigine üns berildi”, diýip AÝ/AR-nyň Türkmen gullugynyň başlygy M.Tahir Wenadan habar berdi.
Anna güni ÝHHG-niň binasynda emma resmi maslahatdan özbaşdak graždan jemgyýetçiliginiň guramalary tarapyndan geçirilen ýygnakda Türkmenistanda syýasy tussaglaryň ykbaly meselesine garaldy.
ÝHHG-niň Parlament assambleýasynyň anna güni Wenada geçirilen sessiýasynda Ukrainada syýasy krizis bilen bagly adam hukuklarynyň ýagdaýy maslahat edildi, şeýle-de azerbaýjanly, belarusly, gazagystanly we türkiýeli graždan aktiwistleriniň tankydy çykyşlary diňledi.
Türkmenistanda geçen ýylyň dekabr aýynda bolan parlament saýlawlaryna ÝHHG-niň Parlament assambleýasynyň resmi toparynyň eden gözegçiliginiň netijeleri barada hasabat berildi. “Saýlawlara umuman demokratik prosese tarap ädilen ädim hökmünde baha berildi, şol bir wagtyň özünde-de Türkmenistanda söz, media azatlygy, ýygnanyşmak hukugy we din azatlygy ýaly meselelerde edilmeli işleriň gaty köpdügi hem aýdyldy. Umuman dialogyň başlanmagynyň möhümdigine üns berildi”, diýip AÝ/AR-nyň Türkmen gullugynyň başlygy M.Tahir Wenadan habar berdi.
Anna güni ÝHHG-niň binasynda emma resmi maslahatdan özbaşdak graždan jemgyýetçiliginiň guramalary tarapyndan geçirilen ýygnakda Türkmenistanda syýasy tussaglaryň ykbaly meselesine garaldy.
ÝHHG-niň Parlament assambleýasynyň anna güni Wenada geçirilen sessiýasynda Ukrainada syýasy krizis bilen bagly adam hukuklarynyň ýagdaýy maslahat edildi, şeýle-de azerbaýjanly, belarusly, gazagystanly we türkiýeli graždan aktiwistleriniň tankydy çykyşlary diňledi.