​Ýanukowiç: Krymyň anneksiýa edilmegi - “tragediýa”

Ukrainanyň häkimiýetden çetleşdirilen prezidenti Wiktor Ýanukowiç Krymyň Russiýa tarapyndan ele geçirilmegini “tragediýa” diýip atlandyrdy.

Çarşenbe güni “Dožd” onlaýn telekanalyna beren maglumatynda Ýanukowiç Krymyň Ukrainadan bölünmegi bilen ylalaşmaýandygyny aýdyp, heniz hem häkimiýet başynda bolsadym, Krymyň Moskwa tarapyndan anneksiýa edilmeginiň öňüni almak üçin bar zady ederdim diýdi.

Ýanukowiç Krymyň gaýtadan Ukraina goşulmagy baradaky ýagdaýlary maslahat etmek üçin Russiýanyň prezidenti Wladimir Putini yrmagy umyt edýändigini sözüne goşdy.