Siriýada adam hukuklaryny goraýjylar ýurtda üç ýyl bäri dowam edýän konflikt zerarly wepat bolanlaryň sanynyň 162000 adama ýetendigini aýdýarlar.
Londonda ýerleşýän oppozisiýa tarapdar toparyň 19-njy maýda aýtmagyna görä, agzalan san 54 müň graždan adamy, ýaragly oppozisiýanyň 43 müň agzasyny we prezident Başar al-Assada loýal 61 müň söweşijini öz içine alýar. Pidalaryň sanyna şahsyýeti anyklanmadyk 3 müň adam hem girýär.
BMG maglumatlaryň çeşmesini tassyklamak mümkinçiliginiň ýokdugyny aýdyp, Siriýada wepat bolan adamlaryň sany boýunça öz maglumatlaryny çap etmegini togtadypdy. Guramanyň 2013-nji ýylyň iýul aýynda çap eden soňky sanynda 100 müň adamyň wepat bolandygy aýdylypdy.
Siriýada 2011-nji ýylda hökümete garşy parahatçylykly proteste häkimiýetler tarapyndan güýç görkezilensoň başlanan konflikt ilatyň çak bilen ýarsyny öz öýüni terk etmäge mejbur edipdi.
Londonda ýerleşýän oppozisiýa tarapdar toparyň 19-njy maýda aýtmagyna görä, agzalan san 54 müň graždan adamy, ýaragly oppozisiýanyň 43 müň agzasyny we prezident Başar al-Assada loýal 61 müň söweşijini öz içine alýar. Pidalaryň sanyna şahsyýeti anyklanmadyk 3 müň adam hem girýär.
BMG maglumatlaryň çeşmesini tassyklamak mümkinçiliginiň ýokdugyny aýdyp, Siriýada wepat bolan adamlaryň sany boýunça öz maglumatlaryny çap etmegini togtadypdy. Guramanyň 2013-nji ýylyň iýul aýynda çap eden soňky sanynda 100 müň adamyň wepat bolandygy aýdylypdy.
Siriýada 2011-nji ýylda hökümete garşy parahatçylykly proteste häkimiýetler tarapyndan güýç görkezilensoň başlanan konflikt ilatyň çak bilen ýarsyny öz öýüni terk etmäge mejbur edipdi.