Yslamçy söweşijiler Keniýanyň kenarýaka giňişligine eden täze hüjüminde azyndan 15 adamy öldürdiler. Polisiýa ýaragly adamlaryň Mpeketoni şäheriniň golaýynda azyndan bir oba hüjüm edip, ýaşaýyş jaýlary oka tutandygyny aýtdy.
15-nji iýunda Mpeketoni şäheriniň myhmanhanalaryna we polisiýanyň bölümine edilen hüjümler zerarly 50 çemesi adam wepat boldy.
Somaliniň “Al-Shabab” topary hüjümleriň jogapkärçiligini öz üstüne aldy we Gündogar Afrikanyň iň uly ykdysadyýetli bu ýurdundaky hereketlerini dowam etdirjekdigini mälim etdi.
Keniýada ençeme hüjümi amala aşyran “Al-Kaýda” bilen bagly bu topar Keniýanyň hökümetiniň 2011-nji ýylda Somaliniň BMG tarapyndan goldanýan hökümetine söweşijilere garşy söweşmäge ýardam bermek üçin goşun iberendigi üçin ony jezalandyrýandygyny aýdýar.
15-nji iýunda Mpeketoni şäheriniň myhmanhanalaryna we polisiýanyň bölümine edilen hüjümler zerarly 50 çemesi adam wepat boldy.
Somaliniň “Al-Shabab” topary hüjümleriň jogapkärçiligini öz üstüne aldy we Gündogar Afrikanyň iň uly ykdysadyýetli bu ýurdundaky hereketlerini dowam etdirjekdigini mälim etdi.
Keniýada ençeme hüjümi amala aşyran “Al-Kaýda” bilen bagly bu topar Keniýanyň hökümetiniň 2011-nji ýylda Somaliniň BMG tarapyndan goldanýan hökümetine söweşijilere garşy söweşmäge ýardam bermek üçin goşun iberendigi üçin ony jezalandyrýandygyny aýdýar.