Orsýetiň prezidenti Wladimir Putin Federasiýa Geňeşinden Ukraina goşun girizmäge rugsat berýän karary ýatyrmagy sorady.
Orsýetiň Interfaks agentliginiň ýokary derejeli orsýet resmisine salgylanyp habar bermegine görä, Federasiýa Geňeşi bu karary 25-nji iýunda ýatyrar.
Orsýetiň habar agentlikleri prezidentiň metbugat-wekili Dmitriý Peskowa salgylanmak bilen bu kararyň Ukrainada dartgynlylygy gowşatmagyň zerurlygy bilen baglydygyny habar berdiler.
1-nji martda Orsýetiň parlamentiniň ýokarky öýi Federasiýa Geňeşi Ukrainanyň giňişliginde Orsýetiň güýçlerini ulanmaga razylyk beripdi.
Putiniň karary barada Ýewropa Bileleşiginiň daşary işler ministrleriniň Brusselde geçiren duşuşygynda Orsýeti 1-nji martda gelnen karary ýatyrmaga eden çagyryşynyň ertesi mälim edildi.
Şeýle-de ÝB-niň daşary işler ministrleri, eger-de, Orsýet Ukrainanyň prezidenti Pýotr Poroşenkonyň öňe süren parahatçylyk planyny goldamasa sanksiýalary ýaýbaňlandyrjagyny duýdurdylar.