Sepleriň elýeterliligi

Soňky habar

ABŞ: 'DHR-i terror sanawyna goşmaly'


Birleşen Ştatlaryň senatorlarynyň täsirli topary, Malaýziýanyň ýolagçy uçarynyň Ukrainanyň asmanynda urlup ýykylanyna bir hepde hem bolmanka, prezident Obama hat ýazyp, Orsýete garşy has gazaply sanksiýa girizilmegine çagyrdy.

Şeýle-de olar öz-özüni jar eden «Donetsk halk respublikasyny» «daşary ýurt terror guramasy» hökmünde hasaba almak barada pikirlenmäge çagyrdylar.

Demokratik partiýanyň öňdebaryjy senataorlary Dianne Feinstein, Robert Menendez we Karl Lewin 22-nji iýulda Obama hat ýazdy.

Üç senator «Donetsk halk respublikasynyň» adam hukuklaryny bozýandygy, şol sanda adam gynamak, asuda adamlara haýbat atmak baradaky subutnamalaryň köpelýändigine ünsi çekdiler.

Şeýle-de bu hatda Birleşen Ştatlaryň Orsýetiň goranmak pudagyna, energiýa we maliýe senagatlaryna garşy has giň sanksiýalary girizmegine çagyrylýar.

XS
SM
MD
LG