Oraza baýramçylygynyň gelmegi bilen dünýä türkmenleriniň durmuşynda has köp ynsanperwerlik adatlary we edim-gylymlary öňe saýlanýar diýilýär.
Eýsem, dünýä türkmenleriniň arasynda Oraza baýramlarynda nähili ýörgünli ynsanperwerlik adatlary, däpleri we edim-gylymlar barka? Dünýä türkmenleri ynsanperwerlik raýdaşlygyny şeýle dini baýramlarda we günlerde nähili durmuşa geçirýärkä?
Azatlyk Radiosy "Dünýä türkmenleri" gepleşiginiň nobatdaky sanynda dünýä türkmenleriniň Oraza baýramlaryndaky ynsanperwerlik adatlarynyň, däpleriniň we edim-gylymlarynyň durmuş hem jemgiýetçilik aýratynlyklaryny ele alýar.
Bu temada taýýarlanjak gepleşige gatnaşmak isleýänler hat@azatradio.org salgysyna öz aragatnaşyk maglumatlaryny iberip, biziň bilen habarlaşyp biler.
Gepleşige öz pikirdir garaýyşlary, teklipleri we bellikleri bilen goşant goşmak isleýänler bolsa şu foruma teswir galdyryp biler.