Medisina işgärleri 30-njy iýuldaky bombalamalaryň Gazada onlarça palestinalyny öldürendigini aýdýarlar.
Ysraýyl-Hamaz konfliktiniň 23-nji gününde BMG-niň garamagyndaky mekdepde azyndan 16 adam öldürildi.
Bu mekdep uruş zerarly ýaşaýan ýerinden bosan adamlaryň gaçyp atan penasydy.
Gazanyň adatdan daşary ýagdaýlar gullugynyň sözçüsi Aşraf al-Kudra başda ölenleriň sanynyň 20-digini aýdyp, soň olaryň onlarçadygyny habar berdi.
Kudranyň soňky beren maglumatlaryna görä, Ysraýylyň Hamazyň raketa atmagynyň soňuna çykmak üçin geçirýän harby operasiýasy netijesinde öldürilenleriň sany 1260-a golaýlady.
Ysraýyl tarapdan bu konfliktde 53 esger we asuda ilatdan üç adam öldürildi. 29-njy iýulda Gaza toksuz galdy, onuň ýalňyz elektrik stansiýasy top oky bilen uruldy.