Dünýä Türkmenleri: Gökdepe
Türkmenistanda, adat bolşy ýaly, 12-nji ýanwarda ýurt ugrundaky söweşlerde wepat bolanlaryň Hatyra güni bellenildi. Hatyra gününiň esasy çäresi Gökdepe galasynda boldy. Türkmenistanlylar ýurduň çar künjeginde ýurt üçin gurlan söweşlerde wepat bolan bilinýän we bilinmeýän gahrymanlaryň ruhuna doga-dileg etdiler. Azatlyk Radiosynyň «Dünýä türkmenleri» gepleşiginiň nobatdaky sany, Hatyra gününe gabatlanyp, türkmen topragynda Watan ugrunda bolan söweşlere, ol söweşleriň gahrymanlary baradaky hakyda bagyşlandy. Bu gepleşigi diňläp, öz pikirleriňizi ýazsaňyz, hoşal bolarys.