Töwratda aýdylyşyna görä, Ýaradan owal başda adama 120 ýaş beripdir. Aralykda bolsa pygamber ýaşy bar. Türkmenler pygamber ýaşyny örän gowy görýärler. Ol ýaşa ýeten adam toý tutýar. Megerem, bu adam ömrüniň iň işjeň, iň manyly bölegi bolup, ony jemlemek bir menzil saýylýandyr. Biziň kärdeşimiz, şahyr hem publisist Amanmyrat Buga pygamber ýaşyna ýetdi. Biz kärdeşimizi bu sene bilen gutlap, onuň şu çaka çenli bitiren hyzmatyna gysgaça göz aýlaýarys. Şonuň bilen opera aýdymçysy Hojaw Annadurdyýewiň doglan gününiň 105 ýyllygyny hem belleýäris.