Geçen asyryň başynda, Türkmenistanda bolşewikleriň kollektiwleşdirme zorlugyndan gaçan türkmenleriň bir bölegi Owganystanda ýurt tutup, soň sowetler Owganystana goşun salanda, Pakistana çekilmeli boldular. Eýsem bu günki gün şol ýagdaýda «pakistan türkmeni» bolan etniki türkmenler hakynda Azatlygyň diňleýjileri  näme bilýär? «Dünýä türkmenleri» gepleşigimiziň bu gezekki sanynda pakistanly türkmenleriň durmuş-ýaşaýyş ýagdaýlary barada söhbet edýäris.