Gürjüstanyň häkimiýetleri ýurduň öňki prezidenti Mihail Saakaşwiliniň (Mikheil Saakashvili) adyny gözlenýänleriň sanawyna goşdy. Saakaşwili özüniň on ýyldan gowrak wagt dolandyran ýurduna gaýdyp baran mahaly tussag ediler.
Gürjüstanyň Baş prokuraturasynyň 14-nji awgustda beren maglumatynda Saakaşwili 2007-nji ýylyň noýabr aýynda bolan protest ýörişlerini zorluk bilen dargatmak we ýurduň telewideniýe merkezinde bolan ýowuzlyklar bilen ilteşikli aýyplamalar esasynda gözlenýändigini mälim etdi.
Saakaşwili 2003-nji ýylda geçirilen parahatçylykly “Bägül rewolýusiýasy” döwründe häkimiýet başyna geçipdi. Onuň häkimiýet başyndaky partiýasy garşydaş partiýalar tarapyndan 2012-nji ýylda ýeňlişe sezewar bolupdy. Saakaşwili şol ýylyň noýabr aýynda prezidentlik möhleti tamamlanandan soň, ýurdy terk edipdi.