Pakistanyň aňtaw gullugynyň resmileri Birleşen Ştatlaryň pilotsyz uçarlarynyň howa zarbasy diýlip güman edilýän hüjümde azyndan sekiz şübheli söweşijiniň öldürilendigini habar berýärler. Bu waka Pakistanyň Owganystan bilen serhediniň golaýyndaky tire-taýpalar regionynda bolup geçdi.
Pakistanyň iki resmisiniň berýän maglumatyna görä, gürrüňi gidýän howa zarbasy 24-nji sentýabrda Demirgazyk Waziristanyň Datta Hel etrabyndaky bazarda amala aşyrylypdyr.
Pakistanyň ýarymawtonom tire-taýpalar sebiti ençeme ýyl bäri yslamçy söweşijileriň, şol sanda “Al-Kaýda” we “Tehrik-e-Talyban Pakistan”, şeýle-de özbek we uýgur ýaly daşary ýurt söweşijileriň buky ýeri hasaplanylýar.
Iýun aýynda Pakistanyň harbylary söweşijileriň territoriýalaryna garşy operasiýalary başlatdy. Pakistanyň armiýasy bu operasiýalarda 1 müňden gowrak söweşijiniň öldürilendigini aýdýar. Emma bu maglumatlary garaşsyz çeşmeler arkaly tassyklatmak başartmady.