Günbatar Ukrainadaky krizis bilen baglanyşykly Russiýa garşy sanksiýalary güýje girizenden soň, rus rublynyň hümmeti amerikan dollaryna görä iň pes derejesinde hasaba alyndy.
26-njy sentýabrda Moskwada bazarlar açylandan soň, 1 amerikan dollary 38,96 rubl derejesinde boldy. Rus pul birligine garşy ýewronuň hümmeti hem ýokarlanyp, 26-njy sentýabrda 1 ýewro 49,65 rubl derejesinde boldy.
12-nji sentýabrda Birleşen Ştatlar we Ýewropa Bileleşigi Russiýa garşy täze sanksiýalaryny güýje girizipdi. Şol sanksiýalarda Russiýanyň käbir banklary hem-de uly energetika we goranyş firmalary nyşana alynýar.