Sepleriň elýeterliligi

Soňky habar
Göni efirde

NATO: Stoltenberg Kabula bardy


NATO-nyň baş sekretary Jens Stoltenberg birleşigiň goşuny we Owganystanyň täze hökümeti bilen duşuşmak barada öňünden mälim edilen saparyny amala aşyrmak üçin 6-njy noýabrda Kabula bardy.

1-nji oktýabrda wezipesine girişen Stoltenberg owgan paýtagtyna barandan gysga wagt soň, Owganystanyň ýörite güýçleriniň türgenleşik merkezine sapar etdi.

Baş sekretar 2014-nji ýylyň ahyrynda NATO-nyň uruş güýçleri Owganystany terk edensoň hem, birleşik Owganystanyň ýörite güýçlerini goldamagyny dowam etdirer diýdi.

Owganystandaky daşary ýurt goşunynyň sany 2010-njy ýylda 130 müňe çenli ýetipdi, emma häzirki wagt olaryň sany 34 müňi aşýar. 2014-nji ýyldan soň owgan güýçlerini türgenleşdirmek maksady bilen Birleşen Ştatlaryň we NATO-nyň 12 müň çemesi goşuny Owganystanda galar.

Häzirki wagt Owganystanyň Howpsuzlyk güýçleriniň, Owganystanyň Milli armiýasynyň we Owgan Milli polisiýasynyň jemi 350 müň çemesi goşuny bar.

Iň soňky teswirler

Iň soňky teswirler
XS
SM
MD
LG