Pakistanyň demirgazyk-günbatarynda amala aşyrylan aýry-aýrylykdaky hüjümlerde ýurduň howpsuzlyk güýçlerinden azyndan bäş adamyň we 15 sany söweşijiniň öldürilendigi habar berilýär.
Resmileriň berýän maglumatyna görä, onlarça söweşiji Orakzaý tire-taýpalar regionynyň Şirin Dara territoriýasyndaky ýarym harby Serhetýaka güýçleriň barlag-gözegçilik nokadyna hüjüm eden mahaly gürrüňi gidýän söweşijiler we üç sany esger öldürilipdir.
Resmiler hüjümiň yza serpikdirilendigini aýdyp, wakada başga-da alty esgeriň ýaralanandygyny habar berýärler.
11-nji noýabrda Bajaur tire-taýpalar etrabyndaky Çargu obasynda ýoluň gyrasyna düşelen bombanyň partladylmagy netijesinde howpsuzlyk güýçlerinden iki işgär öldürildi we başga-da iki sanysy ýaralandy.
Bannu şäherçesinde hem ýoluň gyrasyna düşelen bombanyň ulagyň golaýynda partladylmagy netijesinde azyndan bir adam öldi, şeýle-de bir sanysy ýaralandy.
Diňe ýegenleriňki däl, ýegenleriň daýysynyň döredip, saklap oturan sistemasynyň prokuraturada, polisiýada, MHM-de işleýän işgärleriniň hem açan söwda nokatlary mydama işläp dur. Diňe şolaryňky "Eldegirilmesiz", "Ýakynyna barmasyz".