Orsýetiň Mariý El ruspublikasynyň resmileri Içeri işler ministrliginiň baştutanynyň özüni öldürene meňzeýändigini aýdýarlar.
Resmiler Wýaçeslaw Buşnewiň jesediniň 3-nji ýanwarda, respublikanyň paýtagty Ýuşkar-Oladaky iş jaýyndan tapylandygyny aýtdylar.
Buşnew resmi taýdan dynç alyşda eken, emma sekretary onuň käte ol-bu işlerini etmek üçin işe gelendigini aýtdy.
Polisiýa Buşnewiň 3-nji ýanwarda öz edarasyna gelip, iş jaýyna girendigini, şondan az wagt soň sekretar aýalyň tüpeň sesini eşidendigini habar berdi.
Buşnew Içeri işler ministrligine 1983-nji ýylda goşuldy we 2011-nji ýyldan bäri Mariý El respublikasynyň içeri işler ministri bolup işledi.