Dawaly Dagly-Garabag territoriýasynyň goranyş resmileri Azerbaýjany hüjüm etmekde we iki ermeni esgerini öldürmekde günälediler.
Dagly-Garabagyň Goranmak ministrliginiň beýanatynda azeri diwersantlarynyň 3-nji ýanwar güni irden bu sebiti Azerbaýjanyň galan territoriýasyndan bölýän bufer zonadan geçip, ot açandyklary aýdylýar.
Ermenistan Azerbaýjana ýene şeýle hüjümler edilse, onuň netijesiniň ýaman boljagyny duýdurdy.
Azerbaýjanyň Goranmak ministrligi bu territoriýa girilenini ret edýär.