Täjigistanda harby gulluga çagyrylan esger öz janyna kast etmäge synanyşandan soň, keselhana ýerleşdirildi.
Täjik paýtagty Duşanbedäki “Karabolo” atly lukmançylyk merkeziniň doktorynyň 9-njy fewralda beren maglumatyna görä, Najmiddin Kaýumow kellesindäki ok ýaralary bilen geçen hepde keselhana ýerleşdirilipdir.
Kaýumowyň dogan-garyndaşlary harby gulluga çagyrylan esgeriň saglyk ýagdaýynyň agyrdygyny mälim etdiler.
Kaýumow bilen birlikde harby gulluk borjuny ýerine ýetirýän ýetirýän esgerleriň aýtmagyna görä, Kaýumow “AK-47” kysymly tüpeň bilen özüni atypdyr.
Metbugat serişdelerinde çykan maglumatlarda Kaýumowyň harby gulluk döwri ýüz berýän “atalyk”, ýagny “dedowşina” faktoryna pida edilenden soň, öz janyna kast etmäge synanyşan bolmagynyň mümkindigi bellenilýär.