ABŞ Saud Arabystanynyň ýolbaşçylygynda Ýemende alnyp barylýan harby hereketlere ýarag üpjünçiligini we beýleki kömegini artdyrdy. Koalisiýa Ýemeniň uly bölegini basyp alan şaýy gozgalaňçylaryň Huthi toparyna garşy söweşýär.
ABŞ-nyň döwlet sekretarynyň orunbasary Antony Blinken “Saud Arabystany Huthi toparyna we onuň ýaranlaryna olaryň Ýemeni ýarag bilen eýeläp bilmejegi barada berk duýduryş berdi”, diýip 7-nji aprelde eden çykyşynda aýtdy.
Blinken ABŞ-nyň “gizlin maglumatlary alyşmagyny güýçlendirendigini” we “Saud Arabystanynyň dolandyryjy merkezinde bilelikdäki koordinasion planlaşdyryjy bölümini döredendigini” belledi.
Frans Press (AFP) agentligi ABŞ-nyň goranmak resmisine salgylanyp, Waşingtonyň Birleşen Arap Emirliklerine ýokary aňrybaş takyklykdaky harby enjamlary iberendigini, onuň hem soň koalisiýanyň beýleki agzalaryna bombalary berendigini habar berdi.