Ýewropada Howpsuzlyk we Hyzmatdaşlyk Guramasy Gazagystanda geçirilen prezidentlik saýlawlarynda öz pikiriňi erkin beýan etmek mümkinçiliginiň çäklendirilmegi we hakyky oppozisiýanyň ýetmezçilik etmegi sebäpli, gazak ses berijileriniň saýlap-seçmäge çäkli mümkinçilikleriniň bolandygyny habar berýär.
ÝHHG-nyň Demokratiýa institutlary we Adam hukuklary boýunça edarasynyň saýlawlara gözegçilik edýän missiýasynyň başlygy Kornelia Ýonker (Cornelia Jonker) 27-nji aprelde beren maglumatynda Gazagystanda geçirilen prezidentlik saýlawlarynda “ynamdar oppozisiýanyň” ýetmezçilik edendigini aýtdy.
27-nji aprelde Gazagystanyň Merkezi saýlaw komissiýasy mundan bir gün öň geçirilen saýlawlarda ýurduň häzirki prezidenti Nursoltan Nazarbaýewiň sesleriň 97,7%-ni alyp, bäşinji möhlete prezident saýlanandygyny yglan etdi.
Ýunker ýurduň “häzirki prezidentiniň we onuň syýasy partiýasynyň syýasata agalyk edýändigini” aýdyp, “ses berijilere syýasy alternatiwalaryň arasynda hakyky saýlap-seçmek mümkinçiliginiň hödürlenmändigini” belledi.