Owganystanyň sudy 11 polisiýa ofiserini Kabulda owgan zenanyň köpçülikleýin öldürilmeginiň öňüni alyp bilmezlikde aýyplap, 1 ýyl türme tussaglygyna höküm etdi.
19-njy maýda bu baradaky karar mälim edilenden soň, kazy Safiullah Mojadedi tussaglaryň bu karary şikaýat etmäge hukuklarynyň bardygyny aýtdy.
Bu waka bilen baglanyşykly tussag edilen başga-da sekiz polisiýa ofiseri delilleriň ýetmezçilik edýändigi sebäpli boşadyldy.
Gürrüňi edilýän 19 polisiýa ofiseri Farhunda atly 27 ýaşly zenana hüjüm etmekde aýyplanýan 49 adamyň arasyndady.
19-njy martda owgan paýtagty Kabulda gahar-gazaply adamlaryň köpçüligi Farhundany urup-ýenjip öldürip, onuň jesedini otlady.
Şu aýyň başynda bu waka bilen baglanyşykly dört tussag ölüm jezasyna we başga-da sekiz sanysy 16 ýyl türme tussaglygyna höküm edildi. Tussag edilen adamlaryň 18 sanysy delilleriň ýetmezçilik edýändigi sebäpli boşadyldy.
Bu rubrikany junior-yň başlyklyga saýlanan güni gaýtadan ulanyň :)
Gowy analiz