ÝHHG žurnaliste edilen hüjümi ýazgardy

Ýewropada Howpsuzlyk we Hyzmatdaşlyk Guramasy (ÝHHG) makedoniýaly žurnaliste edilen hüjümi ýazgardy. Sase Iwanowski hökümetiň ýiti tankytçysydy.

“Maktel” internet neşiriniň eýesi Iwanowskä 22-nji maýda hüjüm edilipdi. Wakada onuň kellesine we biline şikesler ýetip, ol keselhana ýerleşdirildi.

ÝHHG-niň Media azatlygy boýunça wekili Dunýa Miýatowiç bu hüjümi ýazgaryp, munuň soňky aý žurnalistlere edilýän hüjümiň we atylýan haýbatlaryň biri bolandygyny aýtdy.

Miýatowiç makedon resmilerine ýüzlenip, hadysany içgin derňemäge çagyrdy.