BMG-niň Howpsuzlyk geňeşinde 20-nji iýulda Eýran bilen ylalaşyga degişli rezolýusiýa boýunça ses berişligiň geçiriljekdigini diplomatlar aýdýarlar.
Rezolýusiýanyň taslamasy Eýranyň ýadro programmasyna çäklendirmeleri girizýär, şeýle-de ýarag gadagançylygyny we ballistik raketa tehnologiýalaryna gadagançylygy saklaýar.
Eýranyň öz ýadro programmasyny çäklendirendigi Halkara atom agentligi tarapyndan tassyklansa BMG-niň Eýran babatyndaky ozalky ýedi rezolýusiýasy ýatyrylar.
Rezolýusiýanyň mazmuny Eýranyň we iň täsirli bäş ýurdunyň resmileriniň arasynda 14-nji iýulda Wenada gelnen ylalaşykda kesgitlendi.