Bişkek: USAID aýratyn statusyny ýitirer

Gyrgyzystan ABŞ-nyň halkara ösüş boýunça agentliginiň (USAID) ýurtdaky artykmaçlyk statusyny ýitirjekdigini aýtdy.

Şu hepdede Bişkek ABŞ bilen hyzmatdaşlyk barada 1993-nji ýylyň ylalaşygyny ýatyryp, ABŞ-nyň tussaglykdaky gyrgyz aktiwistine adam hukuklary boýunça abraýly baýragy bermek kararyna protest bildirdi.

Gyrgyzystanyň daşary işler ministriniň orunbasary Emil Kaikiýewiň 22-nji iýulda aýtmagyna görä, USAID salgyt we gümrük ýeňilliklerinden mahrum bolar, proýekte gatnaşýan amerikan raýatlary bolsa diplomatlaryňky ýaly eldegirmezlik statusyndan mundan beýläk peýdalanyp bilmezler.

17-nji iýulda Gyrgyzystanyň Daşary işler ministriligi Waşingtonyň tussaglykdaky Azimjon Askarowa Adam hukuklary boýunça 2014-nji ýylyň baýaragyny gowşurmak kararyna protest bildirdi.

Askarow “raýat parahatçylygyna we durnuklylygyna hem jemgyýete” howp salmakda aýyplanyp Bişkegiň türmesinde tussaglykda saklanýar.

Etnik özbek Askarow 2010-njy ýylyň iýun aýynda bolan 400-den gowrak adamyň ölümine getiren gandöküşligiň yzýany sud edilipdi.