Pakistan polisiýasy «Laşker-e-Jaňwi» jeňçi toparynyň liderini, onuň iki ogluny we ýene 11 kişini öldürendigini aýdýar.
Bu hadysa 29-njy iýulda, ýaragly adamlar sünni ekstremistini tussagdan boşatmak üçin polisiýa konwoýyna hüjüm edende bolupdyr.
Malik Ishak ABŞ-nyň global terror sanawyna girizilen jeňçidi we onuň döreden topary aglabasy şaýy musulmanlaryna degişli ýüzlerçe adamyň öldürilmeginiň jogapkärçiligini öz üstüne alypdy.