Türkmenistanda ýolagçy gatnawynyň ýyl-ýyldan gowulaşdyrylýandygy, täze demirýol wagonlarynyň satyn alynýandygy, ýolagçylar üçin ýokary amatlyklaryň döredilýändigi aýdylýar. Şol bir wagtda demirýol liniýalary hem uzaldylýar.
Emma ýolagçylara edilýän hyzmatyň hiliniň o diýen gowy däldigi barada hem habarlar gelip gowuşýar. Käbir halatlarda bolsa, demirýol stansiýalarynda ýolagçylara edilmeli iň zerur hyzmatlaryň hem edilmeýändigi aýdylýar.
Eýsem bu ýagdaý Lebapda nähili?
Azatlyk Radiosynyň Lebap welaýatyndaky habarçysy Osman Hallyýew bu barada ýörite maglumat taýýarlady.
