Täjik taksi sürüjisini öldürmekde günäli tapylan rus esgerlerine uzak möhletli türme tussaglygy berildi.
Täjigistandaky rus harby bazasynyň 109-njy garnizonynyň sudy 26-njy awgustda wzwod komandiriniň orunbasary Fýodor Basimowa 17 ýyl türme tussaglygy hökümini çykardy.
Harby birikmäniň ozalky komandiri Ildar Saharowa bolsa 13 ýyl türme tussaglygy berildi.
Bu iki esger 2014-nji ýylyň awgustynda, täjik taksiçisi Rahimjon Teşaboew Duşenbede öli tapylandan soň tussag edildi. 36 ýaşyndaky Teşaboew üç çaganyň atasydy we ol erbet gazaply ýenjilip, soňra damagy çalnan halda tapyldy.