Türkmenistanyň prezidenti Gurbanguly Berdimuhamedow Ministrler kabinetiniň anna güni geçirilen mejlisinde ýurduň regionlarynda pagta ýygymynyň guralyşyndan nägilelik bildirdi. Türkmen metbugatynda aýdylmagyna görä, 29-njy awgustda başlanan pagta ýygymyndan öň jemi 500 sany pagta ýygýan kombaýn, şol sanda 3027 awtotransport tehnikasy, pagta daşamak üçin 2340 traktor we 3558 sany traktor tirkegi, teležkasy taýýar edilipdir.
Şol bir wagtda käbir kärendeçiler ekini talabalaýyk ekmek we hasyly wagtynda almak üçin zerur bolan tehniki serişdeleriň resmiler tarapyndan wagtynda üpjün edilmeýändigini aýdýarlar.
Mary welaýatyndan özüni Gülaý diýip tanyşdyran kärendeçi zenan bu mesele barada Azatlyk Radiosynyň Türkmenistandaky habarçysy Soltan Açylowa gürrüň berdi.
