Ukrainanyň esgeri Donetskyň aeroportunyň golaýynda orsýetçi separatistler tarapyndan atylan okdan wepat boldy, diýip ukrain resmisi aýtdy.
Esgeriň 26-njy oktýabrda wepat bolandygy, Ukrainanyň harbylarynyň metbugat-wekili Oleksandr Zawtonowa salgylanyp, 27-nji oktýabrda habar berildi.
Esgeriň ölüminiň ok atyşygy bes etmek barada fewral aýynda Minskde gelnen ejiz ylalaşygyň berjaý edilmeginde oktýabryň ortasyndan bäri ilkinji hadysadygy aýdylýar.
26-njy oktýabrda separatistleriň metbugat-wekili Ukrainanyň harbylaryny aeroporta hüjüm edip başlamakda aýyplady. Kiýewiň resmileri bu aýyplamalary ret ediler.
“Frans Press” (AFP) agentligi ýerli ýaşaýjylaryň aeroportuň ýerleşýän ýerinde güýçli ok atyşygyň sesini eşidendiklerini habar berdi.
Gündogar Ukrainada 18 aýyň dowamynda 8000-den gowrak adam wepat boldy.
Tejende wifi gowy işlenok köseýär!.
Bir tarapdan siziň maglumatlaryňyz kimdir birine peýda getirýär, emma beýleki bir tarapdan bolsa zyýan getirýär. Ynha, siziň habarçylaryňyz aldygyna maglumat baryny ugratdylar mekdeplerde okuwçylardan pul ýygnanýanlygy barada. Indi biz mugallymlar okuwçylardan ýygnan 50, 80 manat aralygyndaky pullary yzyna gaýtaryp berdik. Netijede bolsa, öz hasabymyza 4000-5000 manat jübimizden çykaryp, mekdebi remont etmeli bolduk. Eger gaýratyňyz bolsa, bizede ýardam ediň. Biziň tutuş bir aýlyk hakymyzy çagalarymyzyň agzyndan kesip bermäge ýagdaýymyz ýok. Goý, Gorono diýdi, bilim ministrligi diýdi, olar öz hasaplaryna remont etsinler mekdepleri. Ýa-da siziň habarçylaryňyz peşeden pil ýasap, bize zyýan getirmesinler. Bir maşgaladan tutuş ýylyň dowamynda 80 manat bilim alýan ojagyna pul çykarmak ullakan bir çökder zat däl ahbeti. Olaryň käbirleriniň kakasy günde 30-40 manady araga-çilime-de oklap dur. Ýardamyňyzy bize-de ýetiriň. Gaýrat ediň.