Ukrainanyň uly böleginde ýerli saýlawlaryň ikinji tapgyry geçirildi.
15-nji noýabrda bolan ses berişlikde ses berijiler Kiýewiň we ýurduň 28 şäheriniň häkimlerini hem ýerli geňeşleriň agzalaryny saýladylar.
Ilatyň gatnaşyk derejesi 34% bolupdyr.
Deslapky netijelere görä, Kiýewiň häkimi wezipesine gaýtadan Witaliý Kliçko
saýlanypdyr.
Saýlawlaryň 25-nji oktýabrda geçirilen birinji tapgyrynyň yzýany amala aşyrylan pikir öwrenmeler prezident Petro Poroşenkonyň hökümetiniň ýurduň günbatarynda we merkezinde berk pozisiýa eýeleýändigini görkezdi.
Emma ýurduň gündogarynda ses berijileriň aglabasy 2014-nji ýylda protestleriň netijesinde häkimiýet başyndan çetleşdirilen öňki prezident Wiktor Ýanukowiçiň partiýasyndan galan güýçlerden düzülen Oppozision Blogy goldady.
Ýerli saýlawlar orsýetçi separatistleriň gözegçiligindäki Donetsk we Luhansk regionlarynyň käbir böleklerinde geçirilmedi.