Krym ýarymadasynyň ilatynyň dörtden üç bölegi 23-nji noýabrda hem elektrik energiýasyz galdy. Ýarymadanyň elektrik üpjünçiligi Ukrainanyň Herson regionyndaky energiýa geçiriji desgalaryň sandan çykmagynyň netijesinde kesildi.
23-nji noýabrda adatdan daşary ýagdaý saklanýar, Simferopol, Ýalta, Saki şäherlerine we Orsýetiň Sewastopoldaky harby deňiz bazasyna elektrik energiýasy gaz bilen energiýany öndürýän stansiýalar arkaly berilýär.
Orsýetiň Krymy 2014-nji ýylda Ukrainadan bölüp, öz düzümine goşmagyndan soň, ukrain häkimiýetleri ýarymadany elektrik energiýasy bilen üpjün etmegini dowam etdirdiler.
Kryma elektrik togy Ukrainanyň Herson regionynyň üstünden geçýän elektrik liniýalary arkaly berilýär.