«Türkmenistanda 20 ýyl içinde 117 milliard 200 million amerikan dollary möçberinde maýa özleşdirildi» - diýip, Türkmenistanyň prezidenti Gurbanguly Berdimuhamedow 4-nji dekabrda Aşgabatda geçirilen Ýaşulular maslahatynda sözlän sözünde aýtdy. Bu maglumaty TDH berýär.
Türkmen lideriniň aýtmagyna görä, bu döwür içinde 250 sany zawod-fabrik işe girizildi, 26 million kwadrat metr ýaşaýyş jaýy guruldy, 187 keselhana we bejeriş-sagaldyş merkezi, 394 mekdep, 310 çagalar bagy, 94 medeni bina, 39 sany ýokary derejeli myhmanhana, ministrlikleriň we wedomstwalaryň 70-den gowrak adminstratiw binasy, şeýle-de elektrik stansiýalary, demir ýollar, aeroportlar, uly köpriler we gaz geçirijileri guruldy.
Häzirki wagtda ýurtda 2 müňden gowrak iri obýektiň gurluşygy alnyp barylýar diýip, prezident Berdimuhamedow Türkmenistanyň bitaraplyk durumunyň 20 ýylylygyna bagyşlanyp geçirilen Ýaşulular maslahatynda aýtdy.
Diňe ýegenleriňki däl, ýegenleriň daýysynyň döredip, saklap oturan sistemasynyň prokuraturada, polisiýada, MHM-de işleýän işgärleriniň hem açan söwda nokatlary mydama işläp dur. Diňe şolaryňky "Eldegirilmesiz", "Ýakynyna barmasyz".