Owganystanyň aňtaw gullugynyň ýolbaşçysy we Howpsuzlyk boýunça milli müdirýetiň başlygy Rahmatullah Nabil öz wezipesinden çekildi we öz kararyna prezident Aşraf Ghani bilen syýasy gapma-garşylygyň sebäp bolandygyny aýtdy.
Nabil wezipesinden çekilmeginden bir gün öň Facebook sosial ulgamyndaky öz sahypasynda Ghaniniň 9-njy dekabrda Pakistana eden saparyny berk tankyt etdi.
Pakistany “Talybanyň” Owganystandaky söweşijilerine ýardam bermekde tankyt edýän Nabil Şarifiň 9-njy dekabrda eden çykyşynda “Owganystanyň duşmanlary, Pakistanyň hem duşmanlarydyr” diýip aýdan sözlerine ünsi çekdi we Şarifiň çykyş eden wagtynda “Talybanyň” söweşijileriniň Kandagaryň harby bazasynda, şeýle-de Helman, Tahar we Badahşan welaýatlarynda bigünä adamlary öldürýändigini belledi.
Prezidentiň edarasynyň 10-njy dekabrda yglan etmegine görä, Howpsuzlyk boýunça milli müdirlige ýerine ýetiriji ýolbaşçy edilip, Mohammad Masud Andarabi bellendi.